Pagkaraan ng ilang buwan ng chemotherapy, isang magandang balita ang natanggap ng multi-titled volleyball coach na si Roger Gorayeb sa 'Araw ng mga Ama'.
Nauna ng na-diagnosed noong nakaraang taon ang 60-anyos na si Gorayeb na may multiple myeloma. Pero kamakailan lamang ay idineklara syang cancer free ng mga dokror.
“Meron akong serum test about a month ago, lumabas dun na negative na ako sa lahat. Parang zero. Cancer-free na. Wala nang signs, wala na akong lesions sa buto ko,” pahayag ng 22-time NCAA champion coach.
Kasalukuyang head coach ng PLDT Home Fibr sa Super Liga at San Sebastian sa NCAA ay nakawalong sessions na ng chemotherapy.
Empleyadong lasing, patay matapos sapakin ng ginising na katrabaho
Ngunit, ang kanyang kundisyon ay naging mahirap dahil bukod sa nasabing sakit ay mayroon pa syang diabetes habang tinamaan din ng myeloma ang kanyang , kidney.
“’Yung doctor ang sabi niya sa akin, ‘Hindi namin akalain na mabubuhay ka pa coach, kasi wala kaming nakita ‘yung pinagdaanan mo na nabuhay nang ganyan. Mag-ingat kang maigi.’ Sana wala na talaga kasi natatakot sila. Baka madapa ako, mabali buto ko,”ayon pa kay Gorayeb.
Isa sa dalawang V-League Triple Crown champion coaches, muling papailalim si Gorayeb sa panibagong test sa susunod na buwan upang makasigurong wala na talaga ang cancer sa kanyang katawan.
“Pag nag-negative uli dun, maintenance na lang ako. Hopefully, ‘wag nang bumalilk.” Marivic Awitan
