HINDI PA!-Balita

TORONTO (AP) — Kung may salitang dapat pag-usapan, ito’y ang ‘hindi pa’.

MAKABALIK na kaya si Kevin Durant sa laban ng Warriors sa Game Five?

Hindi pa ganap ang pagsuko ng Golden State sa kampeonato. Hindi pa handang bumili ng bahay at lupa sa Toronto si Kawhi Leonard. Hindi pa handa ang Raptors na simulan ang pagdiriwang. At hindi pa malinaw kung makalalaro si Kevin Durant sa Game Five.

Gayunman, posibleng magkaroon ng bagong kampeon sa NBA nitong Lunes (Martes sa Manila) sakaling mapanatili ng Toronto Raptors ang dominasyon sa Golden State Warriors sa Game Five ng best-of-seven championship.

Tangan ng Raptors ang dominanteng 3-1 bentahe, tampok ang magkasunod na dominanteng panalo sa Oracle Arena na naglagay sa two-time defending champions sa balag ng alanganin.

“We haven’t done anything,” pahayag ni Raptors guard Kyle Lowry. “We’ve still got to get one more win. It’s the first to four. You’ve got champions coming in here and they’re going to play their butts off and play extremely hard.”

Posibleng makasama sa kanilang sasagupain ang two-time NBA Finals MVP na si Durant.

Halos isang buwang nabakante si Durant bunsod ng injury, ngunit kasama na ito na nagensayo ng Warriors nitong Linggo. Umaasa ang Warriors na makalalaro na si Durant sa Game Five.

“It’s just a matter of, ‘Can you win one basketball game right now? Can you go play an amazing 48 minutes, quiet this crowd that’s going to be probably unbelievable, and slow down a team that’s been playing amazing, especially these last two games, and just win one basketball game?’” sambit ni Warriors guard Stephen Curry. “If we focus on that mission, our history kind of speaks for itself in terms of being able to get that done.”

Maging si Raptors coach Nick Nurse ay ayaw magpasiguro, sa kabila ng kaliwa’t kanang paghahanda para sa isang malaking selebrasyon sa Jurassic Park.

“There’s still a lot of work to do,” pahayag ni Nurse.

Ganito rin ang pakiramdam ni Leonard. Sa nalalapit na free-agency, pinasinungalingan nito na bumili na siya ng ari-arian sa Toronto.

“It didn’t happen yet, no,” aniya. “We’re focused. We know that it doesn’t mean anything until someone has four wins.”

Sakaling manaig, balik ang Warriors sa Oracle Arena para sa Game Six. Iginiit ni Warriors guard Klay Thompson na karapat-dapat na masaksihan ang isa pang laro sa Oracle Arena – ang tahanan ng Warriors sa nakalipas na 47 taon.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...