MATIKAS!-Balita

MATIKAS!

Pinoy paddlers, overall champion sa World Dragon Boat Championship

GAINESVILLE, Georgia, United States – Nabokya man sa 18th Asian Games, pinatunayan ng Team Philippines Dragonboat ang kanilang pagiging world-class athletes.

NAGBUNYI ang Philippine Team nang magwagi sa 10-seater senior men’s 200m race.

Nakopo ng Pinoy paddlers ang kabuuang limang ginto sa makasaysayang kampanya para tanghaling overall champion sa katatapos na 2018 ICF World Dragon Boat Championships.

Senelyuhan ng Nationals mula sa Philippine Canoe Kayak Dragon Boat Federation ang matikas na ratsada sa dominanteng panalo sa 10-seater senior men’s 200-meter race, sapat para lagpasan ang matikas na kampanya sa torneo may anim na taon na ang nakalilipas.

Hataw ang Pinoy paddlers para makatawid sa finish line sa bilis na 47.39 segundo laban sa powerhouse Italy (49.58) at Hungary (49.87) sa final day ng taunang torneo sa Lake Lanier Olympic Park.

Nakamit ng Pinoy ang kabuuang limang ginto at dalawang silver para lagpasan ang nahakot na limang ginto at isang silver medal na panalo sa 2012 edition sa Milan, Italy.

“It was a part of that team that did it in Italy,’” pahayag ni coach Diomedes Manalo.

“I knew these kids are special, so I’m not surprised when they beat the previous record.’’

Kahanga-hanga ang lakas at diskarteng ipinamalas ng beteranong sina Mark Jhon Frias, Hermie Macaranas at Ojay Fuentes, katuwang sina John Lester Delos Santos, Oliver Manaig, Reymart Nevado, Lee Robin Santos, Jordan De Guia, Roger Masbate at John Paul Selencio.

“All the hard work paid off. This is for our country,’’ pahayag ni National head coach Len Escollante.

“I’m proud to say that the Philippines is the world champion in dragonboat racing,” aniya.

Itinataguyod ang kampanya ng PCKDF, sa pamumuno ng pangulo nilang si Jonne Go, ng Philippine Sports Commission at Presidential Spokesman Harry Roque.

Bukod sa 10-seater at 20-seater senior mixed 200m races, nagwagi rin ng Pinoy sa small boat at big boat senior mixed 500m. Sumegunda naman sila sa senior mixed 2000m at small boat men’s 500m.

Romina, patuloy na kumikilos pahilaga; hindi na nakaaapekto sa Kalayaan Islands

Patuloy pa rin ang pagkilos ng Tropical Depression Romina pahilaga, ngunit hindi na ito nakaaapekto sa Kalayaan Islands, ayon sa Philippine Atmospheric, Geophysical and Astronomical Services Administration (PAGASA) nitong Lunes ng umaga, Disyembre 23.Sa tala ng PAGASA, huling namataan ang bagyong Romina 165 kilometro ang layo sa kanluran ng Pag-asa Island, Kalayaan, Palawan sa labas ng Philippine...

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...