Sa huling ratsadagan ng San Beda-Letran rivalry sa NCAA, siniguro ni Donald Tankoua na magwawagi ang Red Lions.

Nitong Martes, nagposte ang San Beda ng 22-point lead, 67-45, kontra archrival nilang Letran may 6:19 pang nalalabing oras sa laban.

Ngunit, nagkamaling nag relax ang Red Lions at sinamantala ito ng Knights upang makahabol at dumikit sa pamamagitan ng inilatag nilang 19-0 blast.

“If we lost this game, I should probably blame myself for that because I gave everybody a chance to play and the other guys who came in just simply didn’t want to really step up,” pahayag ni San Beda coach Boyet Fernandez. “They thought it was already a won game for us.”

6 koponan nagbabalak ligwakin ang PVL; lilipat daw sa bagong liga?

At nang mag fouled out si Robert Bolick sa huling minuto ng laro, kinailangan ng San Beda ng puwedeng sandigan upang mapigil ang bantang pag-agaw ng panalo ng Letran.

At dito tumugon sa hamon si Tankoua nang i-deliver ng isang clutch basket na siyang nagbigay sa Red Lions ng 74-68 panalo.

Dahil sa kanyang effort , ang 6-foot-6 na Cameroonian na tumapos sa laro na may 19 puntos at 9 na rebounds ang napili upang maging Chooks-to-Go/NCAA Press Corps Player of the Week.