NANGUNA si Apollo Agapay ng Cabuyao City at dating top player ng University of Perpetual Help Systems of Laguna sa katatapos na Cong. Marvey Marino at Mayor Beverly Dimacuha Non-Master Chess Tournament sa Teacher’s Conference Center sa Batangas City.
Ang 26-years-old na si Agapay na kasalukuyang Store Supervisor ng Simply Bread - Cabuyao Branch na suportado nina Cabuyao City Mayor Rommel Gecolea at ng Cabuyao City Chess Club ay nakapagtala ng anim na puntos, kaparehas ng iskor na naikamada nina Batangas Star Express Corp employee Doodee Luster Libongcogon at Batangas City Chess Club president Manolo Puertellano na nalagay sa second at third placer dahil sa lower tie break points.
Nakamit naman ni Jiggy Vicente ang fourth placer na may 5.5 points habang nanguna naman si Ritchie Jocson sa huge group ng five pointers na kinabibilangan nina Jose Luis Atienza Ronald Berdera, Vladimir Gonzales, Leonard Bee Libongcogon, Alvin dela Cruz at Julius Espinosa
Ang mga nagwagi naman sa sa kani-kanilang kategorya ay sina Leonard Bee Libongcogon (Top Batangas), Alexis Anne Osena (Top lady), Percival Chua (Top Unrated), Ryu Vincent Dimayuga (Top Kiddie), Ryza Mae Dimayuga (2nd Top kiddie), Miguel Arond Galleguez (3rd Top Kiddie) at Kena Galleguez (4th top Kiddie).
