AYAN, kumpirmadong hindi kasama si Jasmine Curtis-Smith sa Victor Magtanggol, dahil magbibida siya sa isa pang bagong primetime series ng GMA-7, ang Pamilya Roces.
Nag-storycon na para sa teleserye, sa direksiyon ni Joel Lamangan, na nagbabalik sa Kapuso network.
Makakasama ni Jasmine sa Pamilya Roces sina Elizabeth Oropesa, Roi Vinzons, Snooky Serna, Carla Abellana, Teresita Sen Marquez, Christian Bautista, Rocco Nacino, Gabbi Garcia, Mika dela Cruz, Shaira Diaz, at Gloria Diaz.
'If sayaw dahil fiesta, sayaw lang!' Boom Labrusca, tinira mga 'naghuhubad' sa pista
“It’s an overwhelming welcome but in a positive note. Kasi hindi naman nila ako basta-basta lang pinirma, tapos pinasok sa isang project na available d’yan. Talagang they waited na may maganda silang project,” sinabi ni Jasmine sa interview.
Natuwa si Jasmine na sa isang magandang kuwento siya isinama, at pawang mahuhusay na artista ang kasama niya, bukod sa magaling din siyempre ang magdidirek. Kaya naman “overwhelmed” si Jasmine.
Sinabi na kina Jasmine ang story ng Pamilya Roces, na exciting para sa aktres. Hintayin natin ang magiging reaction ng Kapuso viewers kapag umere na ang nasabing bagong primetime teleserye.
-Nitz Miralles
