TILA nag-i-enjoy si Kris Aquino sa Instagram Q&A kaya kapag may time ang Social Media Queen & Influencer, ginagawa niya ito.

Noong Miyerkules ng gabi, July 11, kahit pagod dahil lagare siya ng block screening ng I Love You, Hater, ay game na game na sinagot ni Kris ang kanyang followers sa kanyang Q&A. Isang paraan na rin ito ng former presidential daughter/sister para makapag-interact sa kanyang mahigit 3.6 million Instagram followers.

“Para ON THE RECORD. Let’s do an IG Q&A. Promise to answer as many questions as i can- and lahat #satruelang. Pls like this post & start your [question] w/ the hashtag- #satruelang. #GameKNB?”, panimula ng aktres ng I Love You, Hater with Joshua Garcia and Julia Barretto, under Star Cinema at dinig namin, kumita ito ng mahigit 5.5 million sa opening day.

Sa tanong ni Shai Flordeliza (handle name: @shaiganda), “Hi hoping pa din po kayo magka husband?”

Matapos makaharap si Marian: Sassa Gurl, na-realize 'di siya perpektong tao

Tugon ni Kris, “@shaiganda #neversaynever BUT really it’s all God’s plan for us. I’ll end this Q&A by saying #satruelang i’ve succeeded beyond my most fervent prayers in my professional life. Day to day i know i give my sons my 100%. So my biggest prayer now is to be blessed 1 day to have the chance to be a good wife to a faithful man. Good night & THANK YOU for spending this hour w/ me.”

Isang follower din ni Kris ang nagbanggit tungkol sa ex-husband niyang si James Yap. Sabi ni @kwiinini (Nini Yunor), “#satruelang nahihiya sila magtanong about sa inyo ni James. Haha. Aq rin (emoji)”.

Ang sagot ng Queen of All Media, “@kwiinini we are a finished story BUT we produced a beautiful highlight- Bimb. #satruelang”.

Hindi rin naiwasang maungkat ang tungkol kina Quezon City Mayor Herbert Bautista at ang inili-link ngayon kay Kris na si Atty. Gideon Peña.

Say ni @charmadmana (Charmaine Admana), “#satruelang momsh who would you choose on a sinking boat, mayor HB or atty? (insert emojis)

Sagot ni Kris, “@charmadmana last question- they should both PRAY to never be in the same sinking boat as me- because i cannot swim. So lahat kami ma-de-dead. #satruelang”.

Sa mga nagtatanong kung inimbitahan ni Kris si Mayor Bistek sa premier night ng I love You, Hater noong Martes ng gabi sa SM Megamall, sagot ng digital influencer, “#satruelang i did invite him to our premiere. He was busy so @the.mightywarrior [Atty. Gideon] gallantly stepped in to escort me.” It ends with a yellow heart emoji.

At sa tanong na, “What makes a Kris Aquino fall inlove with a man?”

“Consistent attention & affection,” ang sagot ni Kris sa tanong ni @itsmaureenagracia (Maureen Grace Agpao).