Sugatan ang isang limang taong gulang na lalaki makaraang i-hostage at tutukan ng barbecue stick sa leeg ng isang lalaki, sa loob ng isang panaderya sa Quezon City, kahapon ng umaga.
Sa inisyal na imbestigasyon ni SPO1 Rodolfo Ramos, Jr., ng Quezon City Police District-Anonas Police Station 9, ang biktima ay taga-Barangay Quirino 2A, Quezon City.Kaagad namang naaresto ang suspek na si Emmanuel Viyo Villoza, 47, ng Benitez Street, Arayat, Cubao.
Ayon sa mga saksi, biglang dinampot ng suspek ang bata at tinutukan ng barbecue stick habang nakatayo sa tapat ng isang panaderya sa Aurora Boulevard, sa Anonas, Quezon City, bandang 9:30 ng umaga.
Dinala ng suspek ang bata sa stockroom ng panaderya habang nakatutok ang barbecue stick sa leeg nito, habang kaagad namang ini-report sa Anonas Police ang insidente.
UP, top university pa rin sa Pinas; Iba pang paaralan sa bansa, pasok sa Asian ranking!
Nakita ng mga rumespondeng tauhan ng Anonas Police na dumudugo na ang leeg ng bata, kaya mabilis nilang dinakma ang suspek at nailigtas ang paslit.
Kaagad namang isinugod sa ospital ang bata para magamot.
-Jun Fabon
