Ni Light A. Nolasco
GUIMBA, Nueva Ecija - Nahaharap sa paglabag sa Anti-Cattle Rustling Law ang isang umano’y ahente ng kalabaw na nakabili ng nakaw na hayop at naaresto nitong Linggo ng umaga.
Sa follow-up operation ng Guimba Police, natunton ang nawawalang kalabaw ng nagreklamong si Edward Valeroso y Hilario, 37, ng Science City of Muñoz, hanggang nadiskubre sa pag-iingat ni Vergil Palilio, carabao agent.
Nabatid na ang kalabaw ni Valeroso ay ibinenta ni Joselito Paez y Posadas, 47, ng Barangay III, Quezon, Nueva Ecija makaraang mabili mula kay Mark Domingo, ng Bgy. Manacsac, Guimba.
Probinsya
Student-athlete, pumanaw matapos ang boxing match
Nabawi ng pulisya ang kalabaw ni Valeroso, habang kinasuhan naman si Paez ng paglabag sa Anti-Cattle Rustling Law (PD 533).
