Ni Bella Gamotea
Sugatan ang isang jeepney driver makaraang barilin ng riding-in-tandem sa Pasay City kahapon.
Isinugod sa ospital si Jecris Tabontabon y Suba-an, nasa hustong gulang, ng Poblacion 1, Gen. Mariano Alvarez, Cavite, na tinamaan ng bala sa kanang balikat at kanang kamay.
Inaalam pa ng awtoridad ang pagkakakilanlan ng dalawang suspek, isang lalaki at isang babae, na sakay sa hindi naplakahang motorsiklo.
50.78% examinees, pasado sa Nov. 2024 Licensure Exam for Agriculturists
Sa inisyal na ulat na ipinarating ng Southern Police District (SPD), naganap ang pamamaril sa tapat ng isang fastfood chain sa Roxas Boulevard northbound, Barangay 76, Pasay City, bandang 12:15 ng tanghali.
Nakatayo ang biktima sa lugar nang sumulpot ang mga suspek at tuluyang binaril ang una bago tumakas sa hindi batid na direksiyon.
Patuloy ang imbestigasyon sa insidente.
