Ni Nitz Miralles

DISABLED pa rin ang comment box ng Instagram account ni Nadine Lustre, kaya tiyak na gigil ang haters na gusto siyang i-bash. Lalo na sa isa sa latest posts niyang naka-cropped white t-shirt at bottom ng two-piece swimsuit.

NADINE copy

In fairness, sexy si Nadine sa photo niya habang nasa beach sa Siargao sila ni James Reid at nakasandal sa puno ng niyog, pero alam natin ang bashers na walang pinipili, basta makapag-comment lang. ‘Kaso nga, wala silang magawa dahil disabled ang comment box ng account ng singer/actress, kaya ang nangyayari, sa ibang blog nagku-comment ang bashers ni Nadine. Ayaw nilang nagpapaseksi si Nadine, pero ano nga ba ang magagawa nila, e, sa sexy naman talaga ang dalaga.

Musika at Kanta
Regine, 'di na kering makipagsabayan sa mga batang singer: 'It's no longer my time'

Regine, 'di na kering makipagsabayan sa mga batang singer: 'It's no longer my time'

Samantala, malapit na sigurong simulan ni Direk Jun Lana ang shooting ng The Nurse na pagbibidahan ni Nadine. Nag-final location na si Direk Jun at ang kanyang team sa Japan dahil doon kukunan ang pelikula. Produced ito ng The IdeaFirst Company nina Direk Jun at Perci Intalan at co-produced ng Viva Films.