PANGUNGUNAHAN nina Daniel Quizon at Michael Concio Jr., parehong Fide Master elect, ang Barzaga Dasmarinas, Cavite chess team sa kauna-unahang Philippine Chess Blitz Online Face Off Series na magpapatuloy sa Linggo sa Alabang Hills Village sa Alabang, Muntinlupa City.
Sina Quizon, 13, at Concio, 12, ang kumatawan sa Dasmarinas, Cavite high school chess team na suportado nina Dasmarinas Mayor Elpidio Barzaga Jr. at Congresswoman Jenny Barzaga na nakakopo ng gold medal at championships trophy sa katatapos na 2018 Southern Tagalog Calabarzon Athletic Association (STCAA) Meet sa Laguna State Polytechnic University ( San Pablo campus) sa San Pablo, Laguna.
Sina Quizon at Concio din ang naghatid sa team Philippines tungo sa over-all championships sa 8th ASEAN Age Group Chess Championship sa nakalipas na taon sa Grand Darul Makmur Hotel sa Kuantan, Pahang, Malaysia.
May cash incentives din; Karl Eldrew Yulo, tumanggap ng ₱500K mula kay Chavit!
Sina Quizon at Concio, parehong ipinagmamalaki ng Dasmarinas Chess Academy na itinatag ng mga Barzaga, ay susuportahan nina coach FM Roel Abelgas at FM David Elorta laban sa reigning National Collegiate Athletic Association Chess Champions na San Beda Red Lions na kinabibilangan nina Kevin Arquero, Prince Aquino, NM Marc Nazario at FM Mari Joseph Turqueza.
“The City of Dasmariñas may have an all FM line-up but the Bedans are champions and Kevin and Prince, though untitled, are as lethal in blitz as their titled counterparts. Who do you think will win this marquee match-up?
Watch the match unfold this Sunday in my YouTube channel,” pahayag ni tournament organizer Philippine Executive Chess Association (PECA) founding president Atty. Cliburn Anthony A. Orbe.
“All blitz chess format game simultaneously can be watch live and replay at YouTube Cliburn Anthony Orbe’s channel.” dagdag pa ni Atty. Orbe, treasurer ng National Chess Federation of the Philippines (NCFP).
