Ni LITO T. MAÑAGO
IBINALIK ng GMA News TV at CBC Productions ang isa sa matagumpay na travel shows ng network, ang Business Flight, na hosted ng former 2010 Miss Universe 4th Runner-up na si Venus Raj, kasama ang businesswoman na si Cristina Decena.
Nasa third season na ito at sabi ni Venus, ipinagmamalaki niya ang masayang samahang nabuo sa programa.
ALAMIN: Mga dapat malaman at gawin upang maging ligtas sa ‘tsunami’
“This one, you really build genuine relationships with the people especially my co-host si Madam, even the people behind and it really becomes a family. Masaya. Masarap,” sambit ng Bicolana beauty queen.
Dahil sa kanyang pananampalataya at pagiging Born Again Christian, nagtakda na siya ng mga limitasyon sa kanyang showbiz career.
“You know, I’m getting old, I’m maturing. Hindi ito limitations because I want limitations but because I’m getting mature and I’m having convictions and ‘yun naman ‘yung pinapangatawanan ko. Anything that, you know, I feel that is not biblical, it’s conviction,” prangkang pahayag ni Venus.
Ano ang mga bagay na hindi na niya puwedeng gawin?
“Maghubad!” sabay tawang sagot ng TV host. “It’s just my convictions. Alam ko kasi na hindi na rin kagandahan ‘yung katawan ko. Hindi na ako nagsu-swimsuit, nakahihiya baka masuka kayo kapag nakita ninyo.”
Loveless ngayon ang former beauty queen. Her last relationship was three years ago sa isang lawyer na nauwi sa hiwalayan.
“I’m happy and in love everyday,” mabilis na sagot ni Venus nang tanungin tungkol sa kanyang love life. “Wala po akong suitor but I am just content of my relationship with the Lord everyday and I think, ‘yun naman ‘yung basic.”
Ayaw maniwala ng press na wala siyang manliligaw sa ngayon. Ani ng Bicolana TV host, “Tanungin n’yo ho sila. Hindi ko po alam.”
Bakit wala?
“I think it’s not for me to answer. I’m just waiting because I’m not to pursue. I am to wait and if there’s no one pursuing me, I can’t do anything about that but even if you’re waiting you should wait expectantly, alam mo ‘yon, mag-ayos ka, magsuklay ka, magpaganda ka naman kahit papa’no. Pero as to that question of why is there no one pursuing you, I can’t answer that.”
O, baka masyadong mataas ang kanyang standard sa qualities ng magiging boyfriend.
“Hindi po. We have to have a high standard because if your standard is very low, it’s so easy for boys quote unquote, to trumple on your very shallow and low standards. Ang akin lang is someone who really loves the Lord.”
Ipinapaubaya niya sa Diyos kung sino ang ibibigay sa kanya.
“Hindi na ako ang gagawa ng paraan, hindi ako ang magmamaniobra para magustuhan ako,” sambit ng kausap namin.
“I am alone but I am not lonely and I think it’s a cliche that in this society when we are single people would look at us as a secondary citizens. People look at us, ‘Ay, kawawa ka naman wala kang partner!’ That’s a cliche because that’s not true. There are many single men and women who are happy and joyful because they are doing the very things that the Lord told them to do. So hindi sukatan ng kasiyahan ang pagkakaroon ng boyfriend,” paglilinaw niya.
Paano kung maging single na siya forever?
“Natanggap ko na ‘yun. If I will be single forever, my priority is that, ‘Lord give me that heart na tatanggapin ko ‘yung desisyon mo!’ pagtatapat ng 29-year old TV personality.
