Ni: Marivic Awitan
Mga Laro Ngayon
(MOA Arena)
3 n.h. -- San Miguel Beer vs KIA Picanto
Goodbye PBA? John Amores, tinanggalan na ng professional license!
5:15 n.h. -- Ginebra vs. Rain or Shine
TARGET ng Barangay Ginebra na makabalik sa linya ng tagumpay sa pakikipagtuos sa Rain or Shine sa tampok na laro ng double-header sa 2017 PBA Governors Cup elimination ngayon sa MOA Arena sa Pasay City.
Magkukumahog ang Kings na makabangon mula sa nalasap na 103-107 na kabiguan sa kamay ng San Miguel Beer sa pagtutuos nila ng Elasto Painters sa tampok na laro ngayong 5:15 ng hapon.
Mauuna rito, magsasagupa ang Beermen at ang KIA Picanto sa pambungad na laro ganap na 3:00 ng hapon.
Dahil sa natamong kabiguan, isang laro na lamang ang naghihiwalay ngayon sa Kings na patuloy na namumuno taglay ang barahang 7-2, at sa pumapangalawang Meralco na mayroong namang markang 6-2.
Sa kabilang dako, tatangkain naman ng Rain or Shine na kasalukuyang kasalo ng Beermen sa ikalimang posisyon sa team standings ang dugtungan ang kanilang naitalang 112-107 panalo kontra NLEX Road Warriors nitong Miyerkules upang palakasin ang tsansa sa top 4 para sa bentaheng twice-to-beat sa playoff round.
Ganito rin ang target ng Beermen na tulad ng ROS ay hangad na tumabla sa TNT Katropa sa ika-apat na puwesto sa pagtutuos nila ng winless pa ring Kia.
