PBBM admin, minamadali pagbebenta ng ari-arian para makabili ng langis-Balita

PBBM admin, minamadali pagbebenta ng ari-arian para makabili ng langis

By Vincent Gutierrez

March 20, 2026

Pinabibilisan na ng administrasyon ni Pangulong Ferdinand “Bongbong” Marcos Jr. ang agarang pagbebenta ng ilang prime real estate assets ng bansa upang makabili ng sapat na suplay ng langis o krudo.

Kaugnay ito sa patuloy na sagupaan ng mga bansang nasa rehiyon ng Gitnang Silangan, na nagbubunga ng katakot-takot na pagsipa sa presyo ng mga produkto, partikular na ang produktong petrolyo.

Ayon sa ulat ng Manila Bulletin, isinasagawa na ng pamahalaan ang mabilisang “pre-disposition” ng Atrium of Makati, the Mile Long complex, at bahagi ng Food Terminal Inc. (FTI) property sa lungsod ng Taguig.

“We are targeting Atrium of Makati, Mile Long, and a portion of FTI for this year. Pre-disposition activities are currently ongoing,” saad ni Finance Assistant Secretary Michael Peter A. Alejandro sa Manila Bulletin noong Miyerkules, Marso 18.

Ayon naman kay Department of Finance (DOF) Secretary Frederick Go, ang kikitain sa pagbebenta ng mga nabanggit na establisyimento ay ipandadagdag sa pambili ng suplay ng langis ng bansa.

Base sa mga ulat, minamatahan ng DOF na makakalap ng ₱193.7 bilyon mula sa privatization ng ilang big-idle government assets, katulad na lamang ng mga naturang establisyimento.

Matatandaang kamakailan, nanindigan si PBBM na sapat umano ang suplay ng langis ng Pilipinas, na aniya’y aabot sa humigit-kumulang 50 hanggang 60 araw.

“First of all, let me assure everyone that we have [a] sufficient supply of oil. Mayroon tayong stockpile that are approximately fifty (50) to sixty (60) days in terms of gasoline, in terms of fuel oil, and in terms of kerosene,” saad ni PBBM.

MAKI-BALITA: Pilipinas, may sapat na suplay ng langis abot hanggang 50-60 araw—PBBM-Balita

Gayunpaman, isiniwalat niya ring nakikipag-usap na siya sa mga bansang maaaring pagbilhan ng krudo, upang masiguro ang sapat na suplay nito sa bansa.

“We are talking to many other countries who we normally do not buy oil from, but hopefully we will be able to come to an agreement with them, and we will get further supply from them,” anang Pangulo.

MAKI-BALITA: PBBM, nakikipag-usap na sa ibang bansang puwedeng mapagkunan ng suplay ng langis-Balita

Sa kasalukuyan, patuloy pa rin ang pag-ariba ng presyo ng produktong petrolyo.

MAKI-BALITA: Bantay-presyo: Alamin ang presyo ng krudo ngayong Marso 17-23-Balita

Misis ng nahuling NBI volunteer, nanindigang walang kasalanan ang asawa

Nanindigan ang misis ng National Bureau of Investigation (NBI) volunteer na walang kasalanan ang asawa niya sa naganap na barilan sa Senado noong Miyerkules ng gabi, Mayo 13. 'Wala pong kasalanan ang asawa ko, wala po 'yang baril. Sa mga taga-NBI, maawa po kayo tulungan n'yo po ang asawa ko. Huwag n'yo po siyang pabayaan. Kayo lang po ang pag-asa niya,' saad ng misis ng...

'God does not doubt me!' SP Cayetano, may talak sa bashers ng liderato niya

Nagbigay ng mensahe si Senate President Alan Peter Cayetano matapos siyang mahalal bilang bagong Senate President kasunod ng mga batikos ukol sa kaniyang kakayahang pamunuan ang Senado. Sa isang pahayag nitong Huwebes, Mayo 14, 2026, sinabi ni Cayetano na matagal na siyang nakararanas ng pagdududa mula sa ibang tao ngunit nananatili raw ang kaniyang pananampalataya at determinasyon sa pagtupad sa...

SP Cayetano sa pag-alis ni Sen. Dela Rosa sa Senado: 'There's no warrant. He's free to go'

Ayon kay Senate President Alan Peter Cayetano na hindi matatawag na 'escape' ang pag-alis ni Senador Ronald 'Bato' dela Rosa sa Senado kaninang 2:30 ng madaling araw nitong Huwebes, Mayo 14. Kaugnay na Balita: 'The Senate was under attack!' SP Cayetano, tinaasan ng boses nagtanong sa pamamaril sa Senado Ito ay matapos basahin ni Cayetano sa kaniyang press conference...