MATAPOS ang may 40 araw na eliminasyon sa buong Luzon, ang kauna-unahang BNTV Cup 7-Stag Derby ay aakyat na sa susunod na yugto ng labanan simula bukas sa pagsisimula ng 2-stag semis-finals.
Itinataguyod ng Thunderbird Bexan XP & Thunderbird Platinum, ang “early bird competition” na ito ay pinapangunahan nila Joey Sy, Eddie Boy Ochoa at mga bumubuo ng Bakbakan Na TV program.
Para sa mga nag-2-stag elimination sa Abucay, Bataan; Isabela, Pampanga at Tarlac, ang kanilang 2-stag semis ay sa Bacolor Cockpit sa Pampanga sa Agosto 7.
Para sa mga naglaban sa Texas Cockpit, Antipolo; San Roque Cockpit sa Markina; Montalban Cockpit sa Rodriguez, Rizal at sa Morong, Rizal, ang kanilang semis ay sa Texas Cockpit sa Agosto 8.
Goodbye PBA? John Amores, tinanggalan na ng professional license!
Ang mga nag-qualify mula sa mga eliminasyon sa Little Coliseum in San Pablo; Lucena Cockpit, Metro Darasa at Calauan, Laguna ay maghaharap sa Metro Darasa, Batangas sa Agosto 8.
Sa Agosto 11, ang Del Monte Cockpit ang magiging lugar ng lababan para sa mga nakalusot mula sa Sta. Maria, Bulacan; Sta. Monica Cockpit sa Novaliches: Malolos Cockpit at La Loma Cockpit.
May mga semis din na nakatakda sa Las Piñas Coliseum sa Agosto 11 at sa Agosto 8 sa Calaca Cockpit.
