Ni: Bert de Guzman
Nagkaisa ang mga kinatawan ng ASEAN Inter-Parliamentary Assembly (AIPA) na magpalitan ng mga impormasyon at mungkahi upang masugpo ang salot ng ilegal na droga sa kani-kanilang bansa.
Tinalakay ng mga mambabatas mula sa Brunei Darussalam, Cambodia, Indonesia, Lao PDR, Malaysia, Myanmar, Pilipinas, Singapore, Thailand, at Vietnam ang isyu ng droga sa kani-kanilang bansa sa 13th AIPA Fact Finding Committee o AIFOCOM to Combat the Drug Menace na ginanap sa bansa.
Si Surigao del Norte Rep. Robert Ace Barbers, chairman ng House committee on dangerous drugs, ang AIFOCOM chairman.
