KINUMPIRMA ni Adele sa isang concert sa Brisbane, Australia na kasal na siya at ang kanyang longtime love na si Simon Konecki.
“I could see in their eyes as they were listening to it on their headphones that it reminded them of something or someone,” aniya habang nagkukuwento tungkol sa kanyang patok na Someone Like You. “I was trying to remember how it was I felt at the beginning of the relationship that inspired that record because as bad as a break up can be, as bitter and horrible and messy as it can be, that feeling when you first fall for someone is the best feeling on earth, and I am addicted to that feeling.”
Patuloy pa ng 28-anyos na mang-aawit, “Obviously I can’t go through with those feelings because I’m married now. I’ve found my next person.”
Classic movie ‘Ipaglaban Mo!’, ipinalabas ng CCP bilang kampanya vs VAWC
Nagpahiwatig na rin si Adele tungkol sa kanyang pagpapakasal nang tanggapin niya sa Grammy Award ang Album of the Year para sa kanyang album na 25.
Nang pasalamatan ang kapwa nominado na si Beyonce sa kanyang acceptance speech, pahayag ni Adele, “Grammys, I appreciate it, the Academy, I love you, my manager, my husband and my son – you’re the only reason I do it.”
Kalaunan, tinawag ni Adele si Konecki bilang kanyang “partner” habang sinasagot ang mga tanong mula sa mga mamamahayag sa press room sa backstage.
Pinag-usapan nang husto ang magkasintahan – na may anak na, si Angelo, 4 – sa Internet noong nakaraang buwan nang namataan ang singer na nakasuot ng band sa kanyang kaliwang palasingsingan. Pero hindi nagbigay ng komento ang kinatawan ng Grammy winner tungkol dito.
Nagkakilala sina Konecki, 42, at Adele noong 2011 ngunit nanatiling pribado ang kanilang relasyon hanggang ihayag ng star ang kanyang pagdadalantao noong 2012.
“The reason her relationship works with Simon is because they are on the same page. Their priority is their son, and Adele loves being a mother. Angelo is a very happy little boys,” saad ng source sa People. (People.com)
