Nagpakita ng kakaibang sigla ang Emilio Aguinaldo College sa pangunguna ni Cameroonian import Hamadou Laminou upang maitakas ang isang makapigil-hiningang 82-77 panalo laban sa FEU-Nicanor Reyes Medical Foundation kahapon sa 2016 MBL Open basketball tournament sa EAC Sports Center sa Ermita, Manila.
Kumayod ng todo si Laminou, idinagdag lamang sa line-up sa huling sandali, para maihatid ang Generals sa ikaapat na panalo sa anim na laro at unang pwesto sa seven-team, single-round tournament na itinataguyod ng Smart Sports, Ironcon Builders, Star Bread, Dickies Underweer at Gerry’s Grill.
Ang 6-10 native ng Yaounde, Cameroon ay umiskor ng 14 sa kanyang 17 puntos sa second half at nanguna sa mahusay na depensa ng Generals ni coach Ariel Sison upang gulatin ang Tamaraws.
Nakatulong niya sina Alex Aguas, Jerome Garcia at Sidney Onwubere para tiyakin ang panalo ng EAC.
Basketbolistang lumabag sa 'anti-drug program' ng NBA, suspendido ng 25 games, lugi rin ng ₱690M!
Si Aguas ay gumawa ng 12 puntos, anim sa third at fourth quarters.
Nag-ambag si Garcia, pangunahing scorer ng koponan sa unang limang laro, sa natipang 10 puntos, habang kumana si Onwubere ng walong puntos.
Ang dating Purefoods mainstay na si Jerwin Gaco ang namuno sa FEU-NRMF sa kanyang 13 puntos, kasunod sina Fil-Canadian Clay Crellin, Al Francis Tamsi at Francis Camacho na may 12 bawat isa.
Iskor:
(Unang Laro)
EAC (82) -- Laminou 17, Aguas 12, Garcia 10, Onwubere 8, Diego 7, Martin 7, Bugarin 5, Altiche 4, Natividad 3, Mendoza 3, Bautista 2, Gonzales 2, Estacio 1, Rosales 1.
FEU-NRMF (77)-- Gaco 13, Crellin 12, Tamsi 12, Camacho 12, Gabayni 8, Arafat 6, Asoro 5, Manalo 4, Tan 3, Raymundo 2, Banzali 0, Zamora 0
Quarterscores:
9-14, 17-30, 53-56, 82-77.
