PAGKATAPOS ng My Rebound Girl nina Alex Gonzaga at Joseph Marco, Regal Entertainment is all set to release, The Escort na unang pagsasama sa big screen nina Christopher de Leon, Derek Ramsay at Lovi Poe.
Sa nakalap naming tsika, ito na ang pinaka-sexy at pinaka-daring na role na gagampanan ng isa sa mga bida ng Someone To Watch Over Me ng GMA Network.
To confirm this news, nagpadala kami ng text message via iMessage sa direktor ng The Escort na si Enzo Williams. Agad naman siyang sumagot sa amin.
“Lovi is sexy,” sabi ni Direk Enzo who helmed the award-winning MMFF film Bonificio: Ang Unang Pangulo na pinagbidahan ni Robin Padilla.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“She’s a great actress as well,” dagdag niya. “Galing nilang lahat including Boyet and Derek. ‘Dami kong challenges with the shoot pero thankfully, it came out decent naman.”
Napanood namin ang teaser ng pelikula sa YouTube channel ng Regal Entertainment ng mag-inang Mother Lily at Roselle Monteverde at pinuri namin ang photography ng pelikula.
Ani ng direktor, who took a two-year film course at Los Angeles City College (LACC), “DOP (director of photography), I had four, iba-iba. Sina Sherman So, Lee Briones, Makie Gálvez and Miguel Cruz. Doon pa lang, challenging na.”
Sa magkakaibang araw na Instagram posts ni Lovi ng photo at video na kuha sa pictorial at set ng The Escort, may sinabi ang aktres tungkol sa dalawa niyang leading men.
“Can’t believe I shot a scene like this with the one and only Drama King Mr. Christopher de Leon! Definitely a dream come true! #TheEscort,” wika ng Golden Screen awardee for best actress.
“What a great experience working w/ you @ramsayderek11. I’m officially a fan how you are as a person. Hope this is not our last project together! See you soon Pierre Tartufo!” paghanga ni Lovi sa Kapatid hunk.
Samantala, pangalawang mainstream project na ni Direk Enzo ang The Escort. In 2011, his thesis film titled Cain won best film sa LACC at naging official selection sa International Student Film Festival Hollywood.
Ang The Escort ay mula sa panulat ni Senedy Que at nakatakdang ipalabas sa ikalawang linggo ng Oktubre.
(Lito T. Mañago)
