NAG-COOL OFF ang dalawa sanhi ng hindi pagkakaintindihan habang magkasamang nagbabakasyon noong unang bahagi ng taon, ngunit eksklusibong sinabi ng source sa People na nagkabalikan na sina Kendall Jenner at Harry Styles.

Namataan ang dalawa sa isang dinner date sa hot spot Ysabel sa L.A noong Huwebes ng gabi, at ang modelo ay “beaming” sa buong gabi, ayon sa isang onlooker.

Ayon sa source na malapit kay Styles, 22, at Jenner, 20, ang dalawa ay “trying to spend time together again” matapos ang panandaliang paghihiwalay.

Classic movie ‘Ipaglaban Mo!’, ipinalabas ng CCP bilang kampanya vs VAWC

“They’re rekindling their old romance and Kendall’s so excited and happy about it,” ani source. “She’s always cared about Harry.” 

Nagkakilala ang dalawa ilang taon na ang nakalilipas, ngunit “things never got serious,” sabi ng isang source sa People noong unang bahagi ng taon tungkol sa New Year’s vacation ng dalawa. “He has thought all along that Kendall is hot and was sort of just waiting for a chance to spend more time with her again.”