USAP-USAPAN sa apat na sulok ng Manila City Hall ang pagkaka-appoint ni Mayor Joseph Estrada sa anak niyang si Jackie Ejercito bilang chairman ng MARE Foundation. Kung ilang beses na raw kasing naudlot ang planong ito ni Erap.

Ayon sa nakausap naming isa sa mga staff ng Manila Mayor’s office, kung ilang beses na raw tumanggi si Ms. Jackie para pamunuan ang nabanggit na foundation pero lately raw ay nakumbinsi na rin siya ng ama.

Kaya bukas, Miyerkules, pormal nang itatalaga ang anak nina Mayor Erap at Dr. Loi Ejercito na si Jackie Ejercito sa nasabing posisyon at papalitan niya ang kanyang ina.

'Iconic women!' Pinakamalaki at pinakamaliit na babae sa buong mundo, nagkita!

Last 1996 pa itinatag ni Erap ang nasabing foundation na tumutulong sa pamamagitan ng medical mission sa ibang bansa pero ngayon ay malamang daw na tutukan nito ang mga residente ng Maynila. This early tuloy ay may kumakalat nang isyu na malamang daw na si Jackie ang patatakbuhin ni Mayor Erap sa inuukopa niyang posisyon sa susunod na local elections.

Pero mukhang aware din naman daw ang kampo ni Ms. Jackie sa mga isyu tungkol sa kanya dahil ganoon na lang ang pag-iwas nito sa anumang mga tanong tungkol sa personal na buhay.