CHA-CHA, CON-COM

August 11, 2016

NGAYONG pinili na ni Pangulong Rodrigo Duterte na gawin ang Charter Change (Cha-Cha) sa pamamamagitan ng Constituent Assembly, kailangang pasimulan na agad ni House Speaker Pantaleon Alvarez ang paglikha ng iminungkahi niyang Constitutional Commission (Con-Com) bilang technical at advisory body at maayudahan ang Kongreso.

Maganda ang ideya ni Speaker Alvarez. Nabanggit na siya ang ilang taong may busilak na reputasyon, integridad at kakayahan na bubuo sa Con-Com, kasama sina dating Supreme Court Chief Justice Reynato Puno, Fr. Joaquin Bernas, Dean Fr. Ranhilio Aquino at iba pang prominenteng pangalan.

Tiyak na hindi magkakamali si Pangulong Duterte kung kukunin niya ang mga personalidad tulad nina retired Supreme Court Justices Leonardo Quisumbing, Josue Bellosillo, Dr. Allen Salas Quimpo, Dean Amado Valdez, dating Senators Rene Espina at Heherson Alvarez, Atty. Estelito Mendoza at Ed Angara, at dating Speaker Jose de Venecia.

Kung si retired CJ Puno ang magiging chairman ng Con-Com, makatitiyak tayo ng isang tunay na matibay, tumutugon at maaasahang Constitution.

Sa kabila ng mga pananaghoy ni Vice President Leni Robredo at panalangin ni Lingayen-Dagupan Archbishop Soc Villegas na mangusap ang sambayanan hinggil sa mga nangyayaring patayan kaugnay ng Laban kontra sa illegal na droga, 92% ng mga Pilipino ang sumusuporta pa rin sa kampanya ni Pangulong Duterte.

Naghain si Albay Rep. Joey Salceda ng House Resolution 143 sa Kongreso na naglalayong huwag tatanggapin sa bansa si US Republican presidential candidate Donald Trump dahil sa pahayag nitong “terrorist state” ang Pilipinas at potensiyal na recruitment pool para sa “Islamic terror groups”. Nagbabala pa siya laban sa mga migranteng Pilipino sa US.

Ayon kay Salceda, pinahiyan ng ang mapanirang-puring sinabi ni Trump ang lahat ng Pilipino, Kristiyano man o Muslim at dapat lang na huwag siyang papasukin sa Pilipinas. Hindi nakapagtataka kung bakit maraming Republican ang sumusuporta ngayon sa Democrat bet na si Hillary Clinton.

Sa isang General Assembly ng Aklan Press Club Inc. sa Kalibo kamakailan na dinaluhan ng mga key Aklan leaders at beteranong mga peryodista sa pangunguna ni Odon Bandiola, nanindigan ang samahan na harapin ang mahahalagang isyu na kinakaharap ng Aklan at ng bansa, kasama ang Cha-Cha, media killings, pederalismo, karapatang pantao, peace initiatives, freedom of information, illegal na droga, ang pag-aagawan sa West Philippine Sea at ang tinututulang dalawang kilometrong tulay na maguugnay sa isla ng Boracay at mainland Panay. Pinagtibay din nito ang ilang resolusyon na masusi nilang gagampanan ang tungkulin nilang ipagsanggalang ang malayang pamamahayag, bilang isang educative outpost at aktibong kaagapay ng pamahalaan sa pagtataguyod ng kapakanan ng publiko.

Itatalaga sa tungkulin ang mga bagong halal na opisyal nito, kasama si Dr. Allen Salas Quimpo bilang APCI Advisory Council chairman, sa Agosto 27, 2016. (Johnny Dayang)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...