SINULAT namin kamakailan na tila hindi pa handang magbalik-telebisyon si Kris Aquino pero mukhang worth it ang bagong aabangan sa kanya ng fans niya.
Habang nasa late lunch kasi kami noong Martes sa Sarsa Kitchen and Bar sa SM Megamall, pagkatapos ng advance screening ng Cinemalaya 2016 entry ni Judy Ann Santos na may titulong Kusina -- produced ng Noel Ferrer Productions, kumalat ang balitang lilipat na ng GMA Network si Kris.
Ayon sa mainit na kuwentuhan, pumayag daw ang APT Entertainment big boss na si Mr. Tony Tuviera na maging co-producer sa programang gusto ng TV host. Identified si Mr. Tuviera sa GMA-7 as blocktimer ng Eat Bulaga at ng iba pang entertainment programs ng Siyete.
BALITAnaw: Ang dalawang babaeng naging pangulo ng Pilipinas
Nagtanong kami sa taga-ABS-CBN tungkol dito pero wala kaming nakuhang sagot.
Ayaw muna naming i-text o istorbohin si Ms. Kris na alam naming naka-vacation mode pa rin bagamat busy naman bilang businesswoman dahil panay ang kanyang ocular inspection nitong mga nakaraang linggo sa malls na puwede niyang pagtayuan ang kanyang lumalaking negosyong Potato Corner+Nacho Bimby.
Tuluy-tuloy ang expansion ng negosyo niyang ito, bukod pa sa franchises niya ng Chow King, Mang Inasal at Jollibee.
Magiging lima na ang kanyang Potato Corner+Nacho Bimby at nakapag-award na siya ng tatlong franchises.
Matatagpuan ang Potato Corner+Nacho Bimby ni Kris sa Greenhills Promenade, Eastwood City Walk, SM North Edsa The Block, at magbubukas naman sa September ang branch sa Eastwood Mall na in-inspection din niya bago sila nagbakasyon sa Boracay last week. Nagustuhan niya ang puwestong available sa bagong Eastwood Mall na halos katapat lang ng McDo.
Maganda ang puwesto ng Potato Corner+Nacho Bimby ni Kris dahil kitang-kita ito bago ka pumasok sa Cinemas 5 and 6.
Halos ganito rin ang puwesto ng kiosk ng Potato Corner sa Eastwood City Walk na bago ka rin pumasok sa mga sinehan ay nasa bandang kaliwa at talagang pinipilahan.
Nitong nakaraang Martes ng hapon, namataan naman ang mag-inang Kris at Bimby sa Robinson’s Magnolia para muling mag-ocular kasabay na rin ng panonood ng How To Be Yours na ipinangako niya kay Bea Alonzo.
Ang caption ni Kris sa kanyang Instagram post, “Perfect timing wanted to check new space for Potato Corner+Nacho Bimby, so we’re about to watch How To Be Yours w/ @beaalonzo. #moviebonding.”
Pagkatapos manood, ito naman ang post ng Queen of All Media: “Are you a Choice A or Choice B type of person? If you’re an A, it’s Love over Career; if you’re a B, it’s Career over Love. In a perfect world you could easily have both.
“But when you’re just establishing yourself, from your mid-20s to your 30s, it’s a real dilemma. And that’s what #HowToBeYours explores in a very genuine way.”
Pinuri ni Kris ang pagkakadirek ni Dan Villegas sa movie.
“I appreciated how much truth Direk Dan Villegas gave the characters of Anj (Bea in her raw, luminous best) & Niño (Gerald showing heart melting vulnerability) that in a relationship we can lose objectivity & feel we’ve given our all, when actually the other still feels shortchanged.
“I don’t want to say more because the movie is a must watch & I don’t want to be a spoiler. But, if only to see the unique treatment of how they fell in love by a creatively executed montage of supermarket scenes -- I’ll watch the movie again just to feel how special the seemingly ordinary is when you allow yourself to trust in all that can be.”
Dagdag pa ni Kris, “Because in the movies just like in real life love is a choice -- and being given that choice is where the magic lies. That’s my take away from this movie, that we should embrace the moments when that choice, to love & be loved is ours to make.” (REGGEE BONOAN)
