LIPA CITY, Batangas – Isang umano’y tulak ng droga ang napatay sa engkuwentro habang naaresto naman ang isa niyang kasamahan matapos umanong manlaban sa pulis sa buy-bust operation sa Lipa City.
Dead on arrival sa Lipa City District Hospital ang lalaki na nakilala lamang sa alyas na “Neil”, matapos mabaril.
Arestado naman ang kasama niyang si Ramilito Eguia, 48, taga-Barangay Mabini sa lungsod.
Ayon sa report ng Batangas Police Provincial Office (BPPO), dakong 1:15 ng umaga nitong Linggo nang mapasabak sa engkwentro sa dalawang suspek ang mga operatiba ng Lipa City Police sa Bgy. Mabini.
6 dayuhang nagsasagawa ng medical mission sa Leyte, ninakawan!
Narekober umano kay Neil ang isang .38 caliber revolver at isang homemade shotgun habang apat na sachet ng hinihinalang shabu naman ang nakuha kay Eguia. (Lyka Manalo)
