CAMP MACABULOS, Tarlac City – Batay sa huling ulat ng Police Regional Office (PRO)-3, umabot na sa 13,680 tulak at adik ang sumuko sa Central Luzon, sa pinaigting na anti-illegal drug campaign na “Double Barrel” ng pulisya.
Ayon kay acting PRO-3 Director Chief Supt. Aaron Aquino, boluntaryong sumuko sa awtoridad at mga lokal na opisyal ang nasabing bilang ng mga sangkot sa droga, at pawang nangako na magbabagong-buhay na.
Napag-alaman na 445 katao naman ang naaresto at 49 ang napatay sa aktuwal na anti-drug operations.
Nakarekober naman ang awtoridad ng 369 na plastic sachet na naglalaman ng 193.89 gramo ng shabu, at 27.17 grams ng marijuana; 13 high-powered firearms, 46 na iba pang baril, isang granada, 340 bala at tatlong magazine.
OFW na hinoldap, inundayan ng saksak sa terminal sa Maynila, nakauwi na ba sa pamilya?
(Leandro Alborote)
