Tulad ng inaasahan, magaan na pinabagsak ng Team Philippines Batang Gilas ang Singapore, 87-52, nitong Martes ng gabi upang makausad sa championship round ng Southeast Asian Basketball Association (SEABA) Under-18 Championship sa Medan, Indonesia.
Anuman ang maging kampanya sa championship, pasok na ang Batang Gilas bilang kinatawan ng Southeast Asia sa 2016 Fiba-Asia Championship na gaganapin sa Iran.
Hataw si John Bryle Bahio ng San Beda sa 16 na puntos para sandigan ang Batang Gilas sa ikaapat na sunod na panalo. Nag-ambag si Peter Alfaro sa nakubrang 12 puntos.
Umarya ang Batang Gilas sa 20-9 bentahe na hindi na nagawang habulin ng Singaporean.
UP, top university pa rin sa Pinas; Iba pang paaralan sa bansa, pasok sa Asian ranking!
Haharapin ng Pinoy ang Indonesian side sa huling laro sa preliminary sa Miyerkules ng gabi.
Iskor:
Philippines (87) — Bahio 16, Alfaro 12, Sinclair 11, Flores 10, Tibayan 9, Nelle 9, Mendoza 8, Mamuyac 4, Gozum 4, Madrigal 4, Yu 0.
Singapore (52) — X. Sim 9, Q. Yeo 9, V. Raj 9, M. Manaf 8, Z. Tng 4, Z. Sim 4, W. Lim 3, M. Borhan 3, W. Lim 3, Y. Ang 0.
Quarters:
25-15, 43-21, 72-40, 87-52.
