Umabot sa 200 kalahok na umaasam na maging parte ng national juniors badminton team ang nagpalista para sumagupa sa nakatayang korona at karangalan sa MVP National Juniors Badminton Championship sa Excel Badminton Center sa Lazatin Blvd sa San Fernando, Pampanga.

Dating kilala bilang Sun Cellular Badminton tournament, ang event na naghahangad makadiskubre ng mga bagong superstar sa larong badminton, ay pormal na inilunsad nina Smart Sports’ Christopher Quimpo at Yoly T. Araullo ng nag-oorganisang Forthright Events & Sports Management sa simpleng seremonya kahapon.

“This is part of the MVP Sports Foundation in helping strengthen the grassroots development program in badminton,” pahayag ni Quimpo.

Ang torneo ay dalawang taon nang isinasagawa upang makatulong sa bansa sa pagbibigay sa mga kabataan ng lugar para makalahok sa de-kalidad na torneo at ipagpatuloy ang kanilang pangarap na maging world-class athlete.

Anong luto ni Chloe ang masarap para kay Caloy lalo na 'pag umuulan?

“We’re here to keep searching for those players we hope will be the future of the sport,” sabi ni Quimpo.

Ang MVP National Juniors Championships ay itinataguyod ng Smart Communications, sa pakikipagtulungan ng MVP Sports Foundation, Robinsons Starmills Pampanga, Balipure, Unilever at Forthright Events. (Angie Oredo)