RAMOS, Tarlac - Nabulabog ang ilang nag-iinuman sa Purok Mapalad sa Barangay Coral sa bayang ito matapos na magwala ang isang 65-anyos na lalaki at walang awang pinagbubugbog at pinagpapalo sa ulo ang isang binatilyo makaraang mabuwisit sa sintunadong pag-awit nito.
Ayon kay PO2 Erwin Estigoym, ang biktima ay 17-anyos na taga-Bgy. Coral, habang ang suspek ay ang kapitbahay nitong si Carlos Benitez, may asawa.
Dakong 10:30 ng gabi nitong Lunes, nag-iinuman ang biktima at suspek kasama ang ilan nilang kaanak nang biglang umawit sa videoke ang binatilyo.
Napaulat na uminit ang ulo ng suspek sa narinig niyang pag-awit ng biktima kaya binugbog niya ito at pinagpapalo ng matigas na bagay sa ulo.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Ayon sa report, sa tindi ng bugbog na inabot ng biktima ay isinugod siya sa Rivilla Hospital sa Paniqui, habang naaresto naman ang suspek. (LEANDRO ALBOROTE)
