Inihayag kahapon ng mga opisyal ng Manila Traffic Bureau na isasara sa mga motorista ang southbound lane ng Roxas Blvd. sa Manila upang bigyang-daan ang “Fun Run with the Stars” ngayong Linggo.

Simula 4:00 ng madaling araw hanggang 8:00 ng umaga, isasara ang Roxas Blvd. southbound lane mula sa Katigbak Drive hanggang sa Pablo Ocampo Street.

Inabisuhan din ang mga motorista hinggil sa ipatutupad na rerouting:

Lahat ng sasakyan na manggagaling sa Bonifacio Drive na dadaan sa southbound lane ng Roxas Blvd. ay inabisuhang kumaliwa sa P. Burgos Avenue patungo sa destinasyon.

VP Sara, tahasang iginiit na hindi niya binoto si Romuadlez

Lahat ng sasakyan na manggagaling sa Jones, MacArthur at Quezon Bridges na dadaan sa southbound lane ng Roxas Blvd. ay didiretso sa Taft Avenue patungo sa destinasyon.

Ang mga sasakyan na tinatahak ang westbound lane ng P. Burgos ay kakanan sa Bonifacio Drive o mag-U-turn sa eastbound lane ng P. Burgos Avenue patungo sa destinasyon.

Habang ang mga sasakyan sa westbound lane ng UN Avenue patungong Roxas Blvd ay kakaliwa sa MH Del Pilar Street o kakaliwa sa Roxas Blvd. service road. (Jenny F. Manongdo)