INTERESANTE ang naganap sa panayam nitong Miyerkules kina Scott Disick at Tyga sa show ni Khloe Kardashian na Kocktails With Khloe.

Isa sa mga napag-usapan nila ang relasyon ni Tyga sa kapatid ni Khloe na si Kylie Jenner, at sinabi ng 26 anyos na rapper na, “I would marry her.”

Nang walang nag-follow-up sa rebelasyon ni Tyga, ang bisita ni Khloe (matalik din niyang kaibigan) na si Malika Haqq ang nagtanong sa kanya at sinabing, “You might have thought you slipped this by us a second ago but I kind of noticed. Do you really want to marry Kylie?”

Classic movie ‘Ipaglaban Mo!’, ipinalabas ng CCP bilang kampanya vs VAWC

“Yeah, for sure,” tugon ni Tyga. “Y’all know that.”

“I mean, I know. I just wanted to hear you say it out loud,” sabi ni Malika, na tila may alam na at nabanggit na sa kanya ito ni Tyga.

Naglaro rin ang mga bisita ni Khloe ng revealing game na “F***, Marry, Kill” at nagbato ng hypothetical question kay Tyga, ngunit hindi niya isinama sa pagpipilian si Kylie.

Sa halip, sina Kourtney Kardashian, Kim Kardashian, at si Khloe lamang ang kanyang pagpipilian.

“I’d probably marry Khloe, f**k Kim [and] probably kill Kourtney,” ani Tyga.

Si Disick — na nakipaghiwalay kay Kourtney, ang ina ng kanyang tatlong anak, noong Hulyo makalipas ang 10 taong relasyon — ay may magkaibang pananaw sa pagtatalakay ng hypothetical question.

“If I really had to [I’d] bang you, kill Kim for sure, and marry my girl,” sagot ni Disick.

Pagkatapos ng episode, nagkaroon ng pagkakataon si Tyga na tanungin ang host na si Khloe, 31, ng personal na katanungan.

“Do you see yourself having kids in the next two years?” tanong ni Tyga. “Because I feel like everybody wants you to have a kid. Like, I feel like you would be a great mother.”