PANLULUMO-Balita

WALANG balakid ang pagsusulong ng isang panukalang batas na nagkakaloob ng tax exemption kay Miss Universe 2015 Pia Alonzo Wurtzbach. Ibig sabihin, ang ating kababayang itinanghal na pinakamagandang dilag sa buong daigdig ay hindi na pagbabayarin ng buwis sa lahat ng kanyang kinita sa naturang world beauty competition.

Kung tutuusin, hindi lamang ganito ang pagbubunyi na dapat nating iukol kay Pia. Isipin na lamang na makalipas ang 42 taon, ngayon lamang tayo muling nakapag-uwi ng Miss Universe crown. Sina Gloria Diaz at Margie Moran ang pinakahuling nakapag-uwi ng korona bilang Miss Universe. Dapat lamang silang ipagbunyi hindi lamang sa grand parade at welcome ceremonies na tulad nga ng pagbibigay-galang kay Presidente Aquino sa Senado at Kamara. Higit sa lahat, ibayong paggalang at pagdakila ang ipamalas natin sa kanya sa makabuluhang paraan. Pinatunayan niya ang katalinuhan, kagandahan, at pagiging huwaran bilang isang Pilipino.

Gayunman, ang pagkakaloob ng tax exemption, kung ganap na isasabatas, ay hindi malayong maging hudyat ng diskriminasyon. Marami sa ating kababayan, noon at ngayon, ang nakapag-uwi na rin ng world honor para sa ating bansa. Si Congressman Manny Pacquiao, halimbawa, ay kinikilala bilang 8-division world champion sa larangan ng boxing. Sa milyun-milyong dolyar na kanyang kinikita bilang boxing champion, lagi siyang tinutugis ng Bureau of Internal Revenue (BIR). At tumatalima naman siya sa pagbabayad ng buwis sa kanyang mga kinikita.

Isa pang boxing champion din na hindi ko na maalala ang pangalan ang mistulang hinarang ng Bureau of Customs (BoC) upang buwisan ang iniuwi niyang championship belt. Hindi ko matiyak kung hanggang saan nakarating ang naturang isyu.

Hindi naman isyu, kung sabagay, kay Pia ang pagbabayad ng buwis. Tahasan niyang sinabi na siya ay laging nagbabayad sa lahat ng kanyang kinikita, lalo na noong siya ay aktibo sa telebisyon.

Kahit na ano ang sabihin ng sinuman, ang mainit, masigla, kagila-gilalas na pagbubunyi kay Pia, at sa iba pa nating kababayan na nag-uuwi ng karangalan, ay nahahalinhan ng panlulumo dahil sa taxing power ng BIR. (CELO LAGMAY)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...