40 bahay nasunog sa Parañaque

January 12, 2016

Mahigit 40 pamilya ang nawalan ng tirahan dahil sa sunog sa isang residential area sa Parañaque City nitong Lunes ng gabi.

Pansamantalang nanunuluyan ang mga apektadong pamilya sa barangay hall ng Sun Valley at nananawagan ngayon ng ayuda sa kinauukulan.

Sa ulat ng Parañaque Fire Department, dakong 10:00 ng gabi nang magsimula ang sunog sa bahay ng isang “Lydia Escare” na ginagamit bilang gadgets repair shop sa Culsidac Compound sa Barangay Sun Valley.

Mabilis na kumalat ang apoy sa mga katabing bahay, na pawang yari sa kahoy.

Ayon sa Bureau of Fire Protection (BFP), umabot sa ikalawang alarma ang sunog.

Agad namang rumesponde ang mga bombero sa lugar at naapula ang sunog dakong 12:00 ng hatingggabi.

Walang napaulat na nasaktan o namatay sa sunog, ngunit natupok ang 20 bahay at ang tinatayang P100,000 halaga ng ari-arian.

Sinisiyasat ng awtoridad ang sanhi ng sunog. (Bella Gamotea)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...