May pagkakataon pa ang mga nawaglit o nasira ng bagyong ‘Yolanda’ ang mahahalagang dokumento noong 2013 na magkaroong muli ng nasabing mga dokumento hanggang sa Hunyo ng taong ito.
Ang Free Mobile Civil Registration Project, na sinimulang ipatupad noong Hunyo ng nakalipas na taon, ay palalawigin pa ng anim na buwan simula ngayong Enero. Layunin nitong mabigyan ng pagkakataon ang mga binagyo na makakuhang muli ng kanilang birth, death at marriage certificate na nawaglit o nasira sa kasagsagan ng pananalasa ng bagyo noong Nobyembre 8, 2013.
