HINDI sikat ang pamilyang Kardashian-Jenner dahil sa pagsasagawa ng self-reflection, ngunit pinatunayan ni Kendall Jenner na hindi ibig sabihin nito na hindi nila kayang magbalik-tanaw at malaman na kapag lumaki sa harap ng camera ay may pagdadaanang problema.
“I feel like I grew up too fast a long time ago,” pahayag ng 19 na taong gulang na catwalk queen sa WSJ Magazine. “Having older siblings, you grow up around adults, so you mature more quickly. I saw my sisters and parents working every day, so I was pretty much brought up to be a workaholic.”
Ang pangalawa sa bunsong anak ni Kris Jenner ay nagsimulang mapanood sa family reality TV show noong 11 taong gulang pa lamang, naging modelo at nakuha ang titulo bilang bagong mukha ng Estée Lauder.
Maaaring ito ay dahil marami na siyang napagtagumpayan sa murang edad.
