Nagsalita na ang social media personality at aktres na si Bea Borres matapos akusahan ng mga netizen na "insekyora" raw kay Philippine Basketball Association (PBA) courtside reporter Apple David, dahil sa na-screenshot na umano't komento niya sa relasyon nito sa 18-anyos na basketball player na si Chad Gammad.
Kamakailan nga lang, ibinida ng 34-anyos na courtside reporter ang ilang sweet moments nila ng jowa, kahit na matindi siyang inookray at pinaparatangang "groomer."
Maki-Balita: 'Masama ba?' 34-anyos courtside reporter, jumowa umano ng basketbolistang 18-anyos
Ayon sa Center For Violence Prevention And Self Defense (CVPSD), ang “grooming” ay isang manipulative process na ginagamit ng sexual predators upang makapang-abuso ng kaniyang mga biktima, na kadalasan ay mga menor de edad o mga indibidwal na nasa bulnerable o sensitibong estado.
Saad naman ng National Society for the Prevention of Cruelty to Children (NSPCC), ang grooming ay unang isinasagawa ng “offender” o sexual predator sa pamamagitan ng pagkuha ng tiwala ng target na indibidwal o menor de edad, at minsan, kasama rin dito ang mga kaanak nito.
Hindi nag-audition? Atasha Muhlach, inintriga sa 'Annie Batungbakal' role
Maki-Balita: ‘Nagmamahalan lang naman!’ Ano ba ang ‘grooming’ at bakit ito itinuturing na ‘red flag?’
Hindi lang mga netizen ang bumirada kay Apple kundi maging ang ilang kasamahan at personalidad sa industriya.
Maki-Balita: Dating PBA reporter, binira si Apple David sa pagjojowa ng bagets
Maki-Balita: Apple David, nag-sorry sa mga na-offend sa relasyon nila ng basketbolistang bagets
Usap-usapan nga ang naging umano'y komento ni Bea sa bonding moments ng mag-jowa at tinawag itong "cute mother & son bonding."
Kaya naman, nanggalaiti ang ilang netizen na pabor sa pag-iibigan nina Apple at Chad, at naniniwalang "age doesn't matter" pagdating sa love and relationship, lalo pa't nasa legal age naman na raw ang basketball player.
Tahasan ding pinabulaanan ni Apple na hindi grooming ang nangyari sa kanilang dalawa ng boyfriend, kahit na malayo ang agwat ng edad nila.
Sa post ni Bea noong Hunyo 18, inaddress na nga niya ang isyung insecure siya kay Apple dahil may jowa ito kumpara sa kaniya na single mom daw.
"Insecure ka lang kay [emoji ng apple]," panimula ni Bea.
"First of all, im not desperate to be in a relationship."
"Also im very comfortable with being single to the point that I became a single mom."
"You can’t use that against me pls try harder."
"Anyway, I know I haven't been active lately TAPOS IM NA BUNOT PA LARO TALAGA!!!" aniya pa.
Photo courtesy: Screenshot from Bea Borres (FB)
Samantala, wala pang reaksiyon, tugon, o pahayag si Apple o maging si Chad tungkol dito.
