Isa sa mga nabanggit ni Pangulong Ferdinand "Bongbong" Marcos, Jr. sa kaniyang ikaapat na State of the Nation Address (SONA) ay ang tungkol sa mga krimen at sindikatong nasa likod ng mga sabungan.
Aniya, hindi palalampasin ng kaniyang administrasyon ang paghabol at pagpapanagot sa mga sindikatong nasa likod ng krimeng nagsasangkot sa mga sabungan.
Kahit daw makapangyarihan, ipinangako ni PBBM ang paghabol sa mga utak at sangkot, na bagama't walang direktang binanggit, ay patungkol sa mga nawawalang sabungero.
"Hahabulin at pananagutin natin ang mga utak at mga sangkot, sibilyan man o opisyal. Kahit malakas, mabigat, o mayaman, hindi sila mangingibabaw sa batas," aniya.
Sen. Robin, 'di na trip tumakbo sa Halalan 2028
Bukod dito, itutuloy rin ng pamahalaan ang operasyon kontra droga, dahil tila bumabalik na raw ito sa kasalukuyan.
"Tila nagbabalikan daw ang mga pusher, kaya patuloy ang ating mga operasyon laban sa mga drug dealer, big-time man o small-time," pahayag pa niya.
Matatandaang nasangkot sa isyu ng mga nawawalang sabungero ang negosyanteng si Atong Ang, matapos ang pag-expose sa kaniya ng whistleblower na si Julie "Dondon" Patidongan.
KAUGNAY NA BALITA: Atong Ang, Gretchen Barretto, kinaladkad sa isyu ng mga nawawalang sabungero
Pinabulaanan naman agad ito ni Ang sa isang media conference.
