Bersamin, pinabulaanang ipinasisibak na si HS Romualdez sa puwesto

By Kate Garcia

April 30, 2025

In BALITA

Itinanggi ni Executive Secretary Lucas Bersamin ang kumakalat na umano’y memorandum na sisibakin na raw sa kaniyang puwesto si House Speaker Martin Romualdez.

Sa pahayag na inilabas ng Office of the Executive Secretary nitong Miyerkules, Abril 30, 2025, tahasan nitong iginiit na pawang pagpapakalat lang daw ng disinformation ang nasabing memorandum na iniuugnay kay Romualdez.

“It has come to our attention that an internal memorandum purportedly issued by the undersigned as Executive Secretary and detailing a discussion of a survey presentation and hinting at a change in the leadership of the House of Representatives has been circulating on social media,” ani Bersamin.

Dagdag pa niya, “The Office of the Executive Secretary categorically denies the authenticity of said memorandum. Apparently the spurious memorandum is a blatant attempt to spread disinformation and to sow division in the ranks of the Administration candidates.”

Ipinababasura din ni Bersamin ang aniya’y malisyosong pagpapakalat ng nasabing impormasyon.

“It should be dismissed as the handiwork of malicious minds,” anang Executive Secretary.

Sam Verzosa, pinutulan ng kable ng kuryente sa campaign sortie sa Tondo

Napag-usapan nina Ogie Diaz at iba pang co-hosts sa 'Ogie Diaz Showbiz Update' ang nangyari raw sa isa sa mga campaign sortie ng Manila mayoral candidate na si Sam 'SV' Verzosa kamakailan.Ayon kay Ogie, nakakaloka raw dahil nawalan daw ng kuryente sa campaign rally ng kandidato sa Moriones, Tondo habang nagsasalita ito.Sa speech ni SV, sinasabi niyang panandalian lamang daw ang...

Pilipinas, balak harangin asylum application ni Roque

Inihayag ng Department of Justice (DOJ) na nakatakda umanong harangin ng gobyerno ng Pilipinas ang asylum application ni dating Presidential spokesperson Harry Roque sa Netherlands.Sa panayam ng TeleRadyo Serbisyo kay DOJ Undersecretary Nicholas Felix Ty, iginiit niyang may plano umano silang magsumite ng dokumento sa pamahalaan ng Netherlands na tututol sa naturang aplikasyon ni...

Bulacan VG Alex Castro, nagsalita sa tugon ng Malacañang sa PrimeWater

Naglabas ng opisyal na pahayag si Bulacan Vice Governor Alex Castro hinggil sa tugon ng Malacañang na imbestigahan ang serbisyo ng PrimeWater sa kanilang lalawigan.Mababasa sa kaniyang opisyal na pahayag, sa opisyal niyang Facebook page nitong Miyerkules, Abril 30, 'Taos-puso po akong nagpapasalamat sa Malacañang sa kanilang agarang pagtugon sa ating panawagan na imbestigahan ang matagal...