Gloria Arroyo, inendorso si Benhur Abalos sa pagkasenador

By Ralph Mendoza

April 23, 2025

In BALITA Eleksyon

Hinikayat ni dating Pangulo at Pampanga Rep. Gloria Macapagal-Arroyo na iboto sa pagkasenador si dating Department of Local and Interior Government (DILG) Secretary Benhur Abalos.

Sa latest Facebook post ng dating kalihim nitong Miyerkules, Abril 23, makikita ang quotation pubmat kung saan binanggit ni Arroyo ang tungkol sa pagkampi umano ni Abalos sa kaniya noong EDSA 2.

“Sa lahat ng mayor ng Metro Manila, isa lang ang kumampi sa atin, si Mayor Benhur Abalos ng Mandaluyong. Kaya sana, kayong lahat, tulungan ninyo ako. Gawin natin siyang Senator Benhur Abalos,” saad ni Arroyo.

Kaya naman pinasalamatan ni Abalos ang pag-endorsong ito sa kaniya ng dating pangulo.

“Maraming salamat, former president Gloria Macapagal-Arroyo. Dadalhin natin sa Senado ang parehong tapang at serbisyong pinatunayan natin noon,” ani Abalos.

Matatandaang isang pampolitikang pagkilos ang EDSA 2 na nangyari noong Enero 2001 na nagpatalsik sa noo’y Pangulong Joseph Estrada at nagluklok naman kay Arroyo sa pagkapangulo dahil sa pagiging bise-presidente nito.

'Walang Imee, Camille?' DuterTEN, Honasan, Querubin ineendorso ni FPRRD

Kinumpirma ni Davao City Representative Paolo 'Pulong' Duterte na buo na ang 12 senador na pinal at pormal na ineendorso ng kaniyang amang si dating Pangulong Rodrigo Duterte, sa panayam sa kaniya habang nasa labas ng International Criminal Court (ICC) facility sa The Hague, Netherlands.Binisita ni Rep. Pulong ang kaniyang ama sa detention center noong Martes, Abril 12.Bukod sa...

Tingog wag iboto diin ni VP Sara: 'Boto para sa Tingog, boto para kay Martin Romualdez!'

Ipinagdiinan ni Vice President Sara Duterte na huwag iboto ang Tingog Party-list dahil ang katumbas daw nito ay boto para kay House Speaker Martin Romualdez, na re-electionist naman bilang representative ng Leyte.Batay sa kumakalat na video ng panayam ng media kay VP Sara, nahingan siya ng reaksiyon sa naging pahayag kamakailan ni Tingog party-list Rep. Jude Acidre na naguguluhan umano siya sa...

Malacañang, nagdeklara ng 'National Mourning' sa pagpanaw ni Pope Francis

Inanunsyo ng Presidential Communications Office (PCO) na nagdeklara si Pangulong Ferdinand 'Bongbong' Marcos, Jr. ng 'period of National Mourning' o pambansang pagluluksa sa pagkamatay ng lider ng Simbahang Katolika na si Pope Francis.Mababasa sa Facebook post ng PCO na mananatili ito hanggang 'burial' ng Santo Papa.'President Ferdinand R. Marcos Jr. has declared...