Doc. Willie Ong, inendorso si Sen. Imee Marcos

By Mary Joy Salcedo

April 22, 2025

In BALITA Eleksyon

Inendorso ng doctor-vlogger at umatras na senatorial candidate na si Doc Willie Ong ang reelectionist na si Senador Imee Marcos para sa 2025 midterm elections.

Sa isang Facebook post nitong Martes, Abril 22, ibinahagi ni Ong na anim na taon na umanong tumutulong si Marcos sa mga pasyenteng may problema sa puso at kidney, dahilan daw ng pagsuporta niya rito para sa Senado.

“6 taon nang tumutulong si Senator Imee Marcos sa Heart Warriors, mga pasyenteng may butas ang puso at sa mga kidney patients,” ani Ong.

“Buo ang suporta ko kay Sen Imee Marcos para sa Senado. Marami siyang matutulungan,” dagdag pa niya.

Agad namang nagpahayag ng pasasalamat ang senadora sa pag-endorso ni Ong sa pamamagitan ng isa ring Facebook post nito ring Martes.

“Doc Willie, from the bottom of my heart—thank you so much. Your endorsement means more than words can say,” ani Marcos.

“Hindi lang ito suporta sa kandidatura ko—it’s a reaffirmation of the bond we built through Heart Warriors Foundation, a cause that literally gave life and second chances to so many,” saad pa niya.

Magtatandaang noong Pebrero nang ianunsyo ni Ong na opisyal niyang binabawi ang kaniyang kandidatura sa pagkasenador upang pagtuunan daw ang kaniyang kalusugan.

MAKI-BALITA: Willie Ong, inatras kandidatura sa pagkasendor

Inaasahang gaganapin ang 2025 midterm elections sa Mayo 12, 2025.

True partners, subok na raw: Romualdez, hinikayat iboto buong Alyansa

Nakiusap si House Speaker Representative Martin Romualdez na iboto ang lahat ng senatorial aspirant na kabilang sa “Alyansa para sa Bagong Pilipinas.”Sa isinagawang powerhouse assembly ng mga lokal at pambansang opisyal nitong Martes, Abril 22, sinabi ni Romualdez na subok na umano ang mga kandidato sa ilalim ng slate ng kasalukuyang administrasyon.'They are our true partners. Subok na...

Pope Francis, ililibing na sa Abril 26 – Vatican

Sa darating na Sabado, Abril 26, ililibing si Pope Francis sa St. Peter's Basilica, ayon sa Vatican.Base sa ulat ng Vatican News, nakatakdang ganapin ang libing ni Pope Francis sa Sabado dakong 10:00 ng umaga (Vatican time) o 4:00 ng hapon (Philippine time).Pangungunahan ni Cardinal Giovanni Battista Re, Dean ng College of Cardinals, ang funeral Mass, na dadaluhan ng Patriarchs, Cardinals,...

FL Liza sa pagpanaw ni Pope Francis: ‘Met a saint on earth, now heaven welcomes him home’

Binigyang-pugay ni First Lady Liza Araneta-Marcos si Pope Francis na pumanaw noong Lunes, Abril 21.Sa isang Facebook post nitong Martes, Abril 22, nagbahagi si Araneta-Marcos ng isang larawan kasama ang Santo Papa.“Met a saint on earth. Now heaven welcomes him home,” aniya sa kaniyang post. “Thank you, Pope Francis.”Matatandaang dakong 7:35 ng umaga (Vatican time) nitong Lunes, Abril 21,...