Nasolo ang tumataginting na ₱17.5 milyong jackpot prize ng Mega Lotto 6/45 na binola ng PCSO nitong Lunes ng gabi, Hulyo 8.
Matagumpay na nahulaan ng lone bettor ang winning numbers na 36-25-19-37-07-11 na may premyong ₱17,567,700.60.
Habang may 40 lotto bettors naman ang makapag-uuwi ng tig-₱32,000 para sa second prize.
Samantala, walang nanalo sa Grand Lotto 6/55 na ang winning numbers ay 34-22-46-43-33-28 at may katumbas na ₱82,749,085.40 jackpot prize.
VP Sara, hindi 'isang kaibigan' si PBBM; nagkakilala lang dahil sa eleksyon
Upang makubra ang premyo, magtungo lamang sa punong tanggapan ng PCSO sa Mandaluyong City at iprinsinta ang kanyang winning ticket at dalawang valid IDs.
Ang lahat ng premyong hindi makukubra sa loob ng isang taon, mula sa petsa nang pagbola dito ay awtomatikong mapo-forfeit at mapupunta sa kawanggawa.
Ang lahat naman ng premyong lampas ng ₱10,000 ay papatawan ng 20% tax, sa ilalim ng Tax Reform for Acceleration and Inclusion (TRAIN) law.
Ang Mega Lotto 6/45 ay binubola tuwing Lunes, Miyerkules at Biyernes. Tuwing Lunes, Miyerkules, at Sabado naman ang Grand Lotto 6/55.
