Natawa na lang ang social media personality at tinaguriang "motivational speaker" na si Rendon Labador nang sabihin sa kaniya ng binisitang si "Diwata," sikat na social media influencer at may-ari ng Diwata PARES Overload, na dahil sa tinatamasa niyang tagumpay ngayon sa negosyo at kasikatan sa socmed, ay nagsisilitawan ang kaniyang mga kamag-anak at bumabalik ang kaniyang mga naging dating karelasyon.
Nagsadya si Rendon kay Diwata matapos siyang ma-inspire at ma-motivate sa ₱100 meal nito na unlimited pares, sabaw, at rice na at talaga namang dinaragsa hindi lamang ng mga karaniwang customer kundi maging celebrities at influencers na gusto siyang i-flex.
"Marami na naglalabasan na kamag-anak mo?" untag ni Rendon.
It's Showtime hanggang December 2024 na lang daw sa GMA, papalitan ng TiktoClock?'
"Marami na talaga. Hindi lang kamag-anak., pati mga dati kong jowa, bumabalik na rin sa akin," pag-amin ni Diwata na ikinatawa ni Rendon.
Samantala, kinabahan daw si Diwata nang bisitahin siya ni Rendon dahil inakala niyang iba-bash siya nito.
"Kinabahan ako nung nalaman kong pupunta ka kasi akala ko i-ba-bash mo ako," sabi raw ni Diwata sa kaniya.
Pero pinakalma siya ni Rendon at sinabi nitong nagbago na siya.
"Sabi ko nag bago na ako, kaya nga #LabLabLabador na ❤️ Binigyan ko ng isang buong Lechon De Las Piñas si Diwata bilang pasasalamat sa pagiging inspirasyon sa mga kababayan nating gustong mag tagumpay buhay. Supportahan natin si Diwata 🙏," ani Rendon.
MAKI-BALITA: Rendon Labador, ‘sinugod’ si Diwata
Nanawagan naman si Rendon na suportahan ng mga netizen si Diwata.
