Marami ang nagulat sa Facebook post ng Kapuso actress at dating karelasyon ni Paolo Contis na si LJ Reyes, matapos niyang ipakita ang mga litrato ng kaniyang engagement sa non-showbiz boyfriend.
“For I know the plans I have for you,” says the Lord. “They are plans for good and not for disaster, to give you a future and a hope. Jeremiah 29:11 NLT," caption ni LJ mula sa isang bible verse, na mababasa sa kaniyang social media accounts.
Naka-tag ito sa kaniyang fiance na si Philip Evangelista.
Nagpaabot naman ng pagbati ang kapwa celebrites at netizens para sa kaniya dahil deserve na deserve daw niya ito; finally ay magiging misis na siya!
VP Sara sinabing si Romualdez ang gustong pumatay sa kaniya
Ang mga nagpaabot ng pagbati sa kaniya ay sina Iza Calzado, Gary Valenciano, Melissa Ricks, Amy Austria, Carla Abellana, Nadine Samonte, Kaye Abad, Ina Feleo, Ryza Cenon, Andrea Torres, Joyce Pring, Valeen Montenegro, Camille Prats, at Marian Rivera.
Matatandaang nag-migrate sa US si LJ kasama ang mga anak, matapos ang kontrobersyal na hiwalayan nila ni Paolo Contis.
