Pitong kaso pa ng "Arcturus" o Covid-19 Omicron subvariant XBB.1.16 ang natukoy sa Pilipinas.
Sa datos ng Department of Health (DOH), umabot na sa 11 ang kabuuang Arcturus cases sa bansa.
Sa pitong bagong kaso, dalawa ang naitala sa Central Luzon, at dalawa rin sa Western Visayas habang tig-isang kaso naman ang natukoy sa Bicol Region, Mimaropa (Region 4B), at Cordillera Administrative Region (CAR).
Nilinaw ng DOH, ibinatay nila ito sa mga samples na sinuri ng Southern Philippines Medical Center (SPMC), Research Institute for Tropical Medicine (RITM), at ng University of the Philippines-Philippine Genome Center (UP-PGC) Main at Visayas.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Inilabas ang naturang resulta ng pagsusuri nitong Mayo 9-11.
Matatandaang tinawag na "variant of interest" ng World Health Organization (WHO) ang XBB.1.16 at inuri naman ito ng European Centre for Disease Prevention and Control (ECDC) bilang “variant under monitoring.”
