Umakyat sa 27,232,095 ang enrollment ngayon, ayon sa Department of Education, para sa taong pampaaralan 2021-2022.
Base sa datos na inilabas ng DepEd Learner Information System (LIS), tumaas ng 1,005,073 o aabot sa apat na bahagdan ang naitalang enrolled kung ikukumpara nakaraang taon na mayroon lamang na 26,227,022.
Samantala, mas bumaba naman ang enrollment sa pribadong paaralan, SUCs and LUCs, at Philippine schools overseas (PSOs).
Paglilinaw naman ng DepEd, hindi pa pinal ang datos na inilabas dahil mayroon pang 520 schools — 47 public schools, 437 private schools, 25 SUCs/LUCs and 11 PSOs — ang hindi nakakapag-update ng kani-kanilang datos.
ITCZ, magdadala ng mga pag-ulan sa malaking bahagi ng bansa
Maaari namang mag-update ang mga paaralan hanggang sa katapusan ng Nobyembre.
“We have notified the Division Superintendents where the non-participating schools are located to find out the reasons why these schools have not updated their enrollment profile, and to provide assistance in completing the LIS updating if necessary," pahayag ng DepEd.
Kaugnay rito, bumaba ang enrollment sa Alternative Learning System (ALS). Mula 599,365 ALS enrolment nakaraang taon, 359,749 lamang ang naitala ngayong taon o 60% na mas mababa.
Sagot naman ng DepEd, “We are doubling our efforts to increase this number. Enrollment in ALS is on a rolling basis that extends beyond the enrollment period in formal education."
"We welcome the turnout of the official enrollment. It validates the trend in our quick-count surpassing the enrollment last school year. This confirms our earlier statement that our learners last year continued their participation in formal school this year, and that a considerable number of those who skipped last school year have returned to school," dagdag ng DepEd.
