Para masigurong natutugunan ang pangangailangan ng kabataang Pilipino pagdating sa reproductive health, nanguna ang Department of Education (DepEd) sa paglulunsad ng Comprehensive Sexuality Education and Adolescent Reproductive Health (CSE-ARH) Convergence.
Bilang parte ng One Health Week Celebration, katuwang ng DepEd and Department of Health (DOH) at Commission on Population and Development (POPCOM)sa paglunsad ng CSE-ARH Convergence nitong nakaraang linggo.
“Through the CSE-ARH Convergence, the Department affirms its commitment in ensuring that the reproductive health and other medical needs of its learners are comprehensively attended to,” sabi ni Secretary Leonor Briones.
Ang CSE-ARH ay parte ng buong-pamahalaang-tugon sa hamon ng ilang suliranin kabilang na ang adolescent preganancies, human immunodeficiency virus (HIV) o ang acquired immunodeficiency syndrome (AIDS)infection at iba pang isyu na banta sa reproductive health ng kabataan.
2 taga-Laguna na parehong nanalo sa magkahiwalay na Lotto 6/42 draw, kumubra na ng premyo
“We invite all sectors to join us in this whole-of-government, whole-of-society approach in addressing this priority issue,”sabi ni Briones.
Tutumbukin ng CSE ang “integration ng scientific, age- and developmentally appropriate, and culturally and gender-responsive information on the cognitive, emotional, physical, and social aspects of sexuality in the K-12 Curriculum.”
Samantala, tututok naman ang ARH Program sa pagtatatag ng mga pasilidad na maglalaganap ng impormasyon para sa pagiging responsableng magulang at sa iba pang mga kaugnay na suliranin ukol sa reproductive health ng mga kabataan.
Positibo ang DepEd at ang katuwang nitong mga ahensya na sa tamang pagpapatupad ng CSE-ARH, kakakitaan ng improvement ang kalagayan ng reproductive health ng mga kabataan sa pamamagitan ng ilang classroom instructions hanggang sa critical reproductive health interventions mula sa mga pampublikong social at health facilities sa loob ng isang komunidad.
Ang CSE-ARH Convergence launching ay parte ng One Health Week program ng DepEd na itinatampok ang ilang flagship programs ng Oplan Kalusugan sa DepEd (OK sa DepEd).
Maliban sa PopCom at DOH, nagpaabot din ng suporta ang USAID Philippine sa inisyatiba.
“We join hands with you at DepEd to strengthen comprehensive sexuality education-adolescent reproductive health links to facilitate collaboration between schools and communities and to empower learners so that they can access age-appropriate information and services that will help,”sabi ni USAID Philippines Office of Health Director Michelle Lang-Alli.
Merlinda Hernando Malipot
