ni Marivic Awitan
MULING nagkamit ng gold medal, ikawalo ngayong taon, ang Filipino karateka na si James de los Santos makaraang mamayani sa Sportdata E-Tournament World Series #2.
Ginapi ni De los Santos ang nakatunggaling Romanian na si Andrel Nedelcu, 24.3-24, sa finals noong Biyernes.
Nauna rito, tinalo nya si William Tran ng Sweden sa first round, 25.4-24.3; sumunod si Markus Hecht ng Germany sa round of 16, 24.5-23.2; Cornelius Johnsen ng Norway sa quarterfinals, 24.5-23.4; at Silvio Cerone-Biagoni ng South Africa sa semifinals, 24.9-24.1.
'Pikon daw?' UAAP fan na nag-dirty finger, agaw-eksena sa San Juan Arena!
Kasabay ng paglabas ng resulta ng Sportdata e-tournament ay nasa isang pagtitipon naman si De Los Santos upang tumanggap ng parangal sa Gawad Lasalyano. Ang kasalukuyang world no.1 e-kata athlete ay ginawaran ng award para sa sports excellence.
“Thank you again to my alma mater, De La Salle University - Manila, for the award and recognition!” ani De Los Santos.
