LOS ANGELES – Hindi man knockout, impresibo ang pro debut ni Tokyo Olympics-bound Eumir Felix Marcial sa kanyang pro debut via unanimous decision kontra American boxer Andrew Whitfield sa kanilang 4-round middleweight contest nitong Miyerkoles (Huwebes sa Manila) sa Shrine Expo Center sa Los Angeles.
Nakuha ni Marcial ang ayuda ng tatlong judges — Don DeVerges, Ron Scott Stevens at Damian Walton – sa ibinigay na 40-36 iskor.
Ang pambato ng Zamboanga City ang isa sa ipinapalagay na may malaking tsansa na makasungkit ng gintong medalya sa Philippine team na isasabak sa Tokyo Games.
