PATULOY ang pagpupursigi ng Philippine Sports Commission (PSC) na palawigin ang   sports education  sa bansa sa pamamagitan ng malalim na pakikipag-ugnayan sa  United States Sports Academy (USSA).

Nakipagpulong si PSC chairman William "Butch" Ramirez kay USSA President Dr. Thomas Rosendich kamakailan hinggil sa proyekto ng  pagsasanib puwersa ng  dalawang ahensiya bilang katalista sa  pag-unlad ng sports sa bansa.

Ang USSA ay ang natatanging institusyon na may kinalaman sa sports educational institution na nagbibigay ng mga kurso sa  bachelors, masters, at doctoral degrees pagdating sa sports science sa Estados Unidos.

Empleyadong lasing, patay matapos sapakin ng ginising na katrabaho

Nabanggit sa nasabing pagpupulong ang pagklaro sa pagbuo ng Philippine Sports Library kung saan magmumula sa USSA ang pagbibigay ng mga instructional materials bilang suporta sa bansa.

Bukod pa rito,  mag-aabot din ng kanilang donasyon sa pamamagitan ng mga babasahin at journal upang magamit sa nasabing  programa. Kasama rin sa pinag-usapan ang pagproseso sa mga kakailanganin para mga guro na mapapabilang sa  nasabing sports education.

Sa kanyang pagbisita sa PSC, nilibot din Rosandich ang  kabuuan ng Rizal Memorial Sports Complex para matignan ang mga pasilidad at pagsasaayos para sa nalalapit na 30th SEA Games.