Magsasampa ng kaso ang Philippine Drug Enforcement Agency (PDEA) ngayong linggo ng kasong kriminal laban sa umano’y Chinese drug lord, matapos na makuha ng Bureau of Customs (BoC) ang P1 bilyong halaga ng umano’y shabu, na kapwa napagdesisyunan ng ahensiya na ibenta ito sa pamamagitan ng auction.
Hindi rito kuntento si Senador Panfilo M. Lacson, chairman ng Senate public order and dangerous drugs committee, dahil ang umano’y drug lord ay sinasabing nasa International Police (Interpol) watchlist at kabilang sa wanted personalities sa China.
Sa kanyang privilege speech nitong Miyerkules, sinabi ni Lacson na ang umano’y drug lord na si Zhijian Xu, alyas Jacky Co, ng Fujian, China, ay dumating sa bansa at minonitor ang pagdating kanyang illegal drug shipment.
Tinapyasang budget ng opisina ni VP Sara, ‘di na dapat baguhin – Sen. Risa
Agad na nakaalis sa bansa si Jacky Co ilang araw matapos na masamsam ang 146-kilo "shabu" shipment.
"One may wonder: how can a person of such character slip the stringent scrutiny of the Bureau of Immigration (BI) personnel manning our airports considering that the BID now uses ’state-of-the-art, biometrics-based system for its computers in all international airports nationwide?" tanong ni Lacson.
"Even revolting is, despite his alleged involvement in criminal activities here and in China, he (Co) left the Manila via Philippine Airlines flight bound for Vietnam passing through Singapore on April 3, few days after the seizure of drugs." wika ni Lacson.
Dumating ang kontrabando sa Manila International Container Port (MICP) nitong Marso 22. Ito ay mula sa Cambodia.
-Mario B. Casayuran
